॥ Verse 1.1 ॥
धृतराष्ट्र उवाच।
धर्मक्षेत्रे कुरुक्षेत्रे समवेता युयुत्सवः।
मामकाः पाण्डवाश्चैव किमकुर्वत सञ्जय।।
dhṛtarāṣṭra uvāca |
dharmakṣetre kurukṣetre samavetā yuyutsavaḥ |
māmakāḥ pāṇḍavāścaiva kimakurvata sañjaya || 1.1 ||
Dhritarashtra said: On the field of Dharma at Kurukshetra,
assembled eager for battle, what did my sons and the sons of Pandu do, O Sanjaya?
॥ Verse 1.2 ॥
सञ्जय उवाच।
दृष्ट्वा तु पाण्डवानीकं व्यूढं दुर्योधनस्तदा।
आचार्यमुपसङ्गम्य राजा वचनमब्रवीत्।।
sañjaya uvāca |
dṛṣṭvā tu pāṇḍavānīkaṃ vyūḍhaṃ duryodhanastadā |
ācāryamupasaṅgamya rājā vacanamabravīt || 1.2 ||
Sanjaya said: King Duryodhana, seeing the army of the Pandavas
arrayed for battle, approached his teacher (Drona) and spoke these words.
॥ Verse 1.3 ॥
पश्यैतां पाण्डुपुत्राणामाचार्य महतीं चमूम्।
व्यूढां द्रुपदपुत्रेण तव शिष्येण धीमता।।
paśyaitāṃ pāṇḍuputrāṇāmācārya mahatīṃ camūm |
vyūḍhāṃ drupadaputreṇa tava śiṣyeṇa dhīmatā || 1.3 ||
O teacher, behold this mighty army of the sons of Pandu,
marshaled by the son of Drupada, your intelligent disciple.
॥ Verse 1.4 ॥
अत्र शूरा महेष्वासा भीमार्जुनसमा युधि।
युयुधानो विराटश्च द्रुपदश्च महारथः।।
atra śūrā maheṣvāsā bhīmārjunasamā yudhi |
yuyudhāno virāṭaśca drupadaśca mahārathaḥ || 1.4 ||
Here are heroes, great archers, equal to Bhima and Arjuna in battle:
Yuyudhana, Virata, and the great charioteer Drupada.
॥ Verse 1.5 ॥
धृष्टकेतुश्चेकितःनः काशिराजश्च वीर्यवान्।
पुरुजित्कुन्तिभोजश्च शैव्यश्च नरपुङ्गवः।।
dhṛṣṭaketuścekitānaḥ kāśirājaśca vīryavān |
purujitkuntibhojaśca śaibyaśca narapuṅgavaḥ || 1.5 ||
Dhrishtaketu, Chekitana, and the powerful king of Kashi,
Purujit and Kuntibhoja, and Shaibya, the best among men.
॥ Verse 1.6 ॥
युधामन्युश्च विक्रान्त उत्तमौजाश्च वीर्यवान्।
सौभद्रो द्रौपदेयाश्च सर्व एव महारथाः।।
yudhāmanyuśca vikrānta uttamaujāśca vīryavān |
saubhadro draupadeyāśca sarva eva mahārathāḥ || 1.6 ||
The valiant Yudhamanyu, the powerful Uttamaujas,
Abhimanyu (son of Subhadra), and the sons of Draupadi—all are great charioteers.
॥ Verse 1.7 ॥
अस्माकं तु विशिष्टा ये तान् निबोध द्विजोत्तम।
नायका मम सैन्यस्य सञ्ज्ञार्थं तान् ब्रवीमि ते।।
asmākaṃ tu viśiṣṭā ye tānnibodha dvijottama |
nāyakā mama sainyasya saṃjñārthaṃ tānbravīmi te || 1.7 ||
Know also, O best of the twice-born (Drona), the distinguished ones among ourselves,
the leaders of my army, whom I name for your information.
॥ Verse 1.8 ॥
भवान् भीष्मश्च कर्णश्च कृपश्च समितिञ्जयः।
अश्वत्थामा विकर्णश्च सौमदत्तिस्तथैव च।।
bhavānbhīṣmaśca karṇaśca kṛpaśca samitiñjayaḥ |
aśvatthāmā vikarṇaśca saumadattistathaiva ca || 1.8 ||
Yourself, Bhishma, Karna, and Kripa, victorious in battle,
Ashvatthama, Vikarna, and also the son of Somadatta (Bhurishrava).
॥ Verse 1.9 ॥
अन्ये च बहवः शूरा मदर्थे त्यक्तजीविताः।
नानाशस्त्रप्रहरणाः सर्वे युद्धविशारदाः।।
anye ca bahavaḥ śūrā madarthe tyaktajīvitāḥ |
nānāśastrapraharaṇāḥ sarve yuddhaviśāradāḥ || 1.9 ||
And many other heroes, who have risked their lives for my sake,
are here; they are all equipped with various weapons and are skilled in warfare.
॥ Verse 1.10 ॥
अपर्याप्तं तदस्माकं बलं भीष्माभिरक्षितम्।
पर्याप्तं त्विदमेतेषां बलं भीमाभिरक्षितम्।।
aparyāptaṃ tadasmākaṃ balaṃ bhīṣmābhirakṣitam |
paryāptaṃ tvidameteṣāṃ balaṃ bhīmābhirakṣitam || 1.10 ||
Our army, protected by Bhishma, is immeasurable (unlimited);
but the army of those Pandavas, protected by Bhima, is measurable (limited).
॥ Verse 1.11 ॥
अयनेषु च सर्वेषु यथाभागमवस्थिताः।
भीष्ममेवाभिरक्षन्तु भवन्तः सर्व एव हि।।
ayaneṣu ca sarveṣu yathābhāgamavasthitāḥ |
bhīṣmamevābhirakṣantu bhavantaḥ sarva eva hi || 1.11 ||
Therefore, all of you, maintaining your respective positions on all fronts,
must protect Bhishma alone.
॥ Verse 1.12 ॥
तस्य सञ्जनयन् हर्षं कुरुवृद्धः पितामहः।
सिंहनादं विनद्योच्चैः शङ्खं दध्मौ प्रतापवान्।।
tasya sañjanayan harṣaṃ kuruvṛddhaḥ pitāmahaḥ |
siṃhanādaṃ vinadyoccaiḥ śaṅkhaṃ dadhmau pratāpavān || 1.12 ||
Then, the valiant oldest patriarch of the Kurus, Bhishma,
roaring like a lion, loudly blew his conch shell to encourage Duryodhana.
॥ Verse 1.13 ॥
ततः शङ्खाश्च भेर्यश्च पणवानकगोमुखाः।
सहसैवाभ्यहन्यन्त स शब्दस्तुमुलोऽभवत्।।
tataḥ śaṅkhāśca bheryaśca paṇavānakagomukhāḥ |
sahasaivābhyahanyanta sa śabdustumulo’bhavat || 1.13 ||
Then conch shells, kettledrums, tabors, drums, and cow-horns suddenly blared forth;
the sound was tumultuous.
॥ Verse 1.14 ॥
ततः श्वेतैर्हयैर्युक्ते महति स्यन्दने स्थिते।
माधवः पाण्डवश्चैव दिव्यौ शङ्खौ प्रदध्मतुः।।
tataḥ śvetairhayairyukte mahati syandane sthitau |
mādhavaḥ pāṇḍavaścaiva divyau śaṅkhau pradadhmatuḥ || 1.14 ||
Thereafter, Lord Krishna and Arjuna, stationed in a magnificent chariot
drawn by white horses, blew their celestial conch shells.
॥ Verse 1.15 ॥
पाञ्चजन्यं हृषीकेशो देवदत्तं धनञ्जयः।
पौण्ड्रं दध्मौ महाशङ्खं भीमकर्मा वृकोदरः।।
pāñcajanyaṃ hṛṣīkeśo devadattaṃ dhanañjayaḥ |
pauṇḍraṃ dadhmau mahāśaṅkhaṃ bhīmakarmā vṛkodaraḥ || 1.15 ||
Hrishikesha (Krishna) blew His conch shell Panchajanya, and Dhananjaya (Arjuna) blew Devadatta,
and Bhima, the doer of terrible deeds, blew the great conch Paundra.
॥ Verse 1.16 ॥
अनन्तविजयं राजा कुन्तीपुत्रो युधिष्ठिरः।
नकुलः सहदेवश्च सुघोषमणिपुष्पकौ।।
kāśyaśca parameṣvāsaḥ śikhaṇḍī ca mahārathaḥ |
dhṛṣṭadyumno virāṭaśca sātyakiścāparājitaḥ || 1.17 ||
King Yudhishthira, the son of Kunti, blew Anantavijaya;
Nakula and Sahadeva blew Sughosha and Manipushpaka.
॥ Verse 1.17 ॥
काश्यश्च परमेष्वासः शिखण्डी च महारथः।
धृष्टद्युम्नो विराटश्च सात्यकिश्चापराजितः।।
kāśyaśca parameṣvāsaḥ śikhaṇḍī ca mahārathaḥ |
dhṛṣṭadyumno virāṭaśca sātyakiścāparājitaḥ || 1.17 ||
The King of Kashi, the superb archer, Shikhandi, the great charioteer,
Dhrishtadyumna, Virata, and Satyaki, the unconquered.
॥ Verse 1.18 ॥
द्रुपदो द्रौपदेयाश्च सर्वशः पृथ्वीपते।
सौभद्रश्च महाबाहुः शङ्खान् दध्मुः पृथक्पृथक्।।
drupado draupadeyāśca sarvaśaḥ pṛthivīpate |
saubhadraśca mahābāhuḥ śaṅkhāndadhmuḥ pṛthak pṛthak || 1.18 ||
Drupada, the sons of Draupadi, O Lord of the Earth, and the mighty-armed son of Subhadra,
all blew their conch shells separately.
॥ Verse 1.19 ॥
स घोषो धार्तराष्ट्राणां हृदयानि व्यदारयत्।
नभश्च पृथ्वीं चैव तुमुलो व्यनुनादयन्।।
sa ghoṣo dhārtarāṣṭrāṇāṃ hṛdayāni vyadārayat |
nabhaśca pṛthivīṃ caiva tumulo’bhyanunādayan || 1.19 ||
That tremendous sound, resounding throughout heaven and earth,
rent the hearts of Dhritarashtra’s sons.
॥ Verse 1.20 ॥
अथ व्यवस्थितान् दृष्ट्वा धार्तराष्ट्रान् कपिध्वजः।
प्रवृत्ते शस्त्रसम्पाते धनुरुद्यम्य पाण्डवः।।
atha vyavasthitāndṛṣṭvā dhārtarāṣṭrāṇ kapi-dhvajaḥ |
pravṛtte śastra-sampāte dhanur-udyamya pāṇḍavaḥ || 1.20 ||
Then, O Lord of the Earth, seeing the sons of Dhritarashtra arrayed, and the discharge of weapons about to begin,
the Pandava (Arjuna), whose banner bore the emblem of a monkey, raised his bow
and spoke this word to Hrishikesha (Krishna).
॥ Verse 1.21 ॥
हृषीकेशं तदा वाक्यमिदमाह महीपते।।
अर्जुन उवाच।
सेनयोरुभयोर्मध्ये रथं स्थापय मेऽच्युत।।
hṛṣīkeśaṃ tadā vākyamidamāha mahīpate |
arjuna uvāca |
senayorubhayormadhye rathaṃ sthāpaya me’cyuta || 1.21 ||
Arjuna said: O Achyuta (Krishna), please station my chariot
between the two armies.
॥ Verse 1.22 ॥
यावदेतान् निरीक्षेऽहं योद्धुकामानवस्थितान्।
कैर्मया सह योद्धव्यमस्मिन् रणसमुद्यमे।।
yāvadetānnirīkṣe’haṃ yoddhukāmānavasthitān |
kairmayā saha yoddhavyamasmin raṇasamudyame || 1.22 ||
So that I may look at these who are standing here, eager to fight,
and know with whom I must fight in this effort of war.
॥ Verse 1.23 ॥
योत्स्यमानानवेक्षेऽहं य एतेऽत्र समागताः।
धार्तराष्ट्रस्य दुर्बुद्धेर्युद्धप्रियचिकीर्षवः।।
yotsyamānānavekṣe’haṃ ya ete’tra samāgatāḥ |
dhārtarāṣṭrasya durbuddheryuddhe priyacikīrṣavaḥ || 1.23 ||
I wish to see those who have assembled here to fight,
intending to please the evil-minded son of Dhritarashtra (Duryodhana).
॥ Verse 1.24 ॥
सञ्जय उवाच।
एवमुक्तो हृषीकेशो गुडाकेशेन भारत।
सेनयोरुभयोर्मध्ये स्थापयित्वा रथोत्तमम्।।
sañjaya uvāca |
evamukto hṛṣīkeśo guḍākeśena bhārata |
senayorubhayormadhye sthāpayitvā rathottamam || 1.24 ||
Sanjaya said: Thus addressed by Gudakesha (Arjuna), O Bharata (Dhritarashtra),
Hrishikesha (Krishna) stationed the best of chariots between the two armies.
॥ Verse 1.25 ॥
भीष्मद्रोणप्रमुखतः सर्वेषां च महीक्षिताम्।
उवाच पार्थ पश्यैतान् समवेतान् कुरुनिति।।
bhīṣmadroṇapramukhataḥ sarveṣāṃ ca mahīkṣitām |
uvāca pārtha paśyaitān samāvetān kurūniti || 1.25 ||
In the presence of Bhishma, Drona, and all the rulers of the world,
He said, O Partha (Arjuna), behold these Kurus assembled here.
॥ Verse 1.26 ॥
तत्रापश्यत्स्थितान् पार्थः पितॄनथ पितामहान्।
आचार्यान्मातुलान्भ्रातॄन्पुत्रान्पौत्रान्सखींस्तथा।।
tatrāpaśyatsthitān pārthaḥ pitṝnatha pitāmahān |
ācāryānmātulānbhṛātṝn putrānpautrānsakhīṃstathā || 1.26 ||
There Partha (Arjuna) saw standing fathers, grandfathers, teachers,
maternal uncles, brothers, sons, grandsons, and companions.
॥ Verse 1.27 ॥
श्वशुरान्सुहृदश्चैव सेनयोरुभयोरपि।
तान्समीक्ष्य स कौन्तेयः सर्वान्बन्धूनवस्थितान्।।
śvaśurānsuhṛdaścaiva senayorubhayorapi |
tānsamīkṣya sa kaunteyaḥ sarvānbhandhūnavasthitān || 1.27 ||
He saw fathers-in-law and friends also in both armies.
Seeing all those kinsmen thus positioned, the son of Kunti (Arjuna)...
॥ Verse 1.28 ॥
कृपया परयाविष्टो विषीदन्निदमब्रवीत्।
अर्जुन उवाच।।
दृष्ट्वेमं स्वजनं कृष्ण युयुत्सुं समुपस्थितम्।।
kṛpayā parayāviṣṭo viṣīdannidambravīt |
arjuna uvāca |
dṛṣṭvemaṃ svajanaṃ kṛṣṇa yuyutsuṃ samupasthitam || 1.28 ||
...was overwhelmed by extreme pity and spoke this in sorrow. Arjuna said:
O Krishna, seeing these kinsmen present here and eager to fight...
॥ Verse 1.29 ॥
सीदन्ति मम गात्राणि मुखं च परिशुष्यति।
वेपथुश्च शरीरे मे रोमहर्षश्च जायते।।
sīdanti mama gātrāṇi mukhaṃ ca pariśuṣyati |
vepathuśca śarīre me romaharṣaśca jāyate || 1.29 ||
...my limbs fail, and my mouth is parching.
My body is trembling, and my hair is standing on end.
॥ Verse 1.30 ॥
गाण्डीवं स्रंसते हस्तात्त्वक्चैव परिदह्यते।
न च शक्नोम्यवस्थातुं भ्रमतीव च मे मनः।।
gāṇḍīvaṃ sraṃsate hastāttvakcaiva paridahyate |
na ca śaknomya-vasthātuṃ bhramatīva ca me manaḥ || 1.30 ||
The Gandiva bow is slipping from my hand, and my skin burns all over.
I am unable to stand steady, and my mind is reeling.
॥ Verse 1.31 ॥
निमित्तानि च पश्यामि विपरीतानि केशव।
न च श्रेयोऽनुपश्यामि हत्वा स्वजनमाहवे।।
nimittāni ca paśyāmi viparītāni keśava |
na ca śreyo’nupaśyāmi hatvā svajanamāhave || 1.31 ||
O Keshava, I see unfavorable omens,
and I do not see any good in killing my own kinsmen in battle.
॥ Verse 1.32 ॥
न काङ्क्षे विजयं कृष्ण न च राज्यं सुखानि च।
किं नो राज्येन गोविन्द किं भोगैर्जीवितेन वा।।
na kāṅkṣe vijayaṃ kṛṣṇa na ca rājyaṃ sukhāni ca |
kiṃ no rājyena govinda kiṃ bhogairjīvitena vā || 1.32 ||
I do not desire victory, O Krishna, nor a kingdom, nor pleasures.
O Govinda, what use is a kingdom to us, or enjoyment, or even life?
॥ Verse 1.33 ॥
येषामर्थे काङ्क्षितं नो राज्यं भोगाः सुखानि च।
त इमेऽवस्थिता युद्धे प्राणान् त्यक्त्वा धनानि च।।
yeṣāmarthe kāṅkṣitaṃ no rājyaṃ bhogāḥ sukhāni ca |
ta ime’vasthitā yuddhe prāṇāṃstyaktvā dhanāni ca || 1.33 ||
Those for whose sake we desire a kingdom, enjoyments, and pleasures
are standing here in battle, having given up their lives and wealth.
॥ Verse 1.34 ॥
आचार्याः पितरः पुत्रास्तथैव च पितामहाः।
मातुलाः श्वशुराः पौत्राः श्यालाः सम्बन्धिनस्तथा।।
ācāryāḥ pitaraḥ putrāstathaiva ca pitāmahāḥ |
mātulāḥ śvaśurāḥ pautrāḥ śyālāḥ sambandhinastathā || 1.34 ||
Teachers, fathers, sons, as well as grandfathers,
maternal uncles, fathers-in-law, grandsons, brothers-in-law, and other relatives...
॥ Verse 1.35 ॥
एतान् न हन्तुमिच्छामि घ्नतोऽपि मधुसूदन।
अपि त्रैलोक्यराज्यस्य हेतोः किं नु महीकृते।।
etānna hantumiucchāmi ghnato’pi madhusūdana |
api trailokyarājyasya hetoḥ kiṃ nu mahīkṛte || 1.35 ||
...I do not wish to kill them, even if they kill me, O Madhusudana (Krishna),
not even for the sovereignty of the three worlds—what then for the sake of this earth?
॥ Verse 1.36 ॥
निहत्य धार्तराष्ट्रान् नः का प्रीतिः स्याज्जनार्दन।
पापमेवाश्रयेदस्मान् हत्वैतानाततायिनः।।
nihatya dhārtarāṣṭrānnaḥ kā prītiḥ syājjanārdana |
pāpamevāśrayedasmān hatvaitānatatāyinaḥ || 1.36 ||
What pleasure can be ours, O Janardana (Krishna), by killing the sons of Dhritarashtra?
Sin alone will accrue to us if we kill these aggressors.
॥ Verse 1.37 ॥
तस्मान्नार्हा वयं हन्तुं धार्तराष्ट्रान् स्वबान्धवान्।
स्वजनं हि कथं हत्वा सुखिनः स्याम माधव।।
tasmānnārhā vayaṃ hantuṃ dhārtarāṣṭrān svabāndhavān |
svajanaṃ hi kathaṃ hatvā sukhinaḥ syāma mādhava || 1.37 ||
Therefore, we should not kill the sons of Dhritarashtra, our kinsmen.
O Madhava (Krishna), how can we be happy by slaying our own people?
॥ Verse 1.38 ॥
यद्यप्येते न पश्यन्ति लोभोपहतचेतसः।
कुलक्षयकृतं दोषं मित्रद्रोहे च पातकम्।।
yadyapyete na paśyanti lobhopahatacetasaḥ |
kulakṣayakṛtaṃ doṣaṃ mitradrohe ca pātakam || 1.38 ||
Although these (Kauravas), whose minds are overcome by greed, see no fault in the destruction of the family
and no sin in treachery to friends...
॥ Verse 1.39 ॥
कथं न ज्ञेयमस्माभिः पापादस्मान्निवर्तितुम्।
कुलक्षयकृतं दोषं प्रपश्यद्भिर्जनार्दन।।
kathaṃ na jñeyamasmābhiḥ pāpādasmānnivartitum |
kulakṣayakṛtaṃ doṣaṃ prapaśyadbhirjanārdana || 1.39 ||
...why should we not understand how to turn away from this sin, O Janardana (Krishna),
when we clearly see the fault in the destruction of the family?
॥ Verse 1.40 ॥
कुलक्षये प्रणश्यन्ति कुलधर्माः सनातनाः।
धर्मे नष्टे कुलं कृत्स्नमधर्मोऽभिभवत्युत।।
kulakṣaye praṇaśyanti kuladharmāḥ sanātanāḥ |
dharme naṣṭe kulaṃ kṛtsnamadharmo’bhibhavatyuta || 1.40 ||
In the destruction of the family, the eternal family traditions perish;
when tradition perishes, impiety (Adharma) overtakes the whole family.
॥ Verse 1.41 ॥
अधर्माभिभवात् कृष्ण प्रदुष्यन्ति कुलस्त्रियः।
स्त्रीषु दुष्टासु वार्ष्णेय जायते वर्णसङ्करः।।
adharmābhibhavātkṛṣṇa praduṣyanti kulastriyaḥ |
strīṣu duṣṭāsu vārṣṇeya jāyate varṇasaṅkaraḥ || 1.41 ||
When impiety prevails, O Krishna, the women of the family become corrupted;
and when women are corrupted, O Varshneya (Krishna), there arises intermingling of castes (Varna-sankara).
॥ Verse 1.42 ॥
सङ्करो नरकायैव कुलघ्नानां कुलस्य च।
पतन्ति पितरो ह्येषां लुप्तपिण्डोदकक्रियाः।।
saṅkaro narakāyaiva kulaghnānāṃ kulasya ca |
patanti pitaro hyeṣāṃ luptapiṇḍodakakriyāḥ || 1.42 ||
This intermingling leads the destroyers of the family and the family itself to hell.
Their forefathers fall (from heaven), deprived of the offerings of rice-balls and water.
॥ Verse 1.43 ॥
दोषैरेतैः कुलघ्नानां वर्णसङ्करकारकैः।
उत्साद्यन्ते जातिधर्माः कुलधर्माश्च शाश्वताः।।
doṣairetaiḥ kulaghnānāṃ varṇasaṅkarakārakaiḥ |
utsādyante jātidharmāḥ kuladharmāśca śāśvatāḥ || 1.43 ||
By these faults of the destroyers of the family, which cause the intermixture of castes,
the eternal caste-duties and family traditions are eradicated.
॥ Verse 1.44 ॥
उत्सन्नकुलधर्माणां मनुष्याणां जनार्दन।
नरके नियतं वासो भवतीत्यनुशुश्रुम।।
utsannakuladharmāṇāṃ manuṣyāṇāṃ janārdana |
narake’niyataṃ vāso bhavatītyanuśuśruma || 1.44 ||
We have heard, O Janardana (Krishna), that for men whose family traditions are destroyed,
there is an inevitable dwelling in hell.
॥ Verse 1.45 ॥
अहो बत महत्पापं कर्तुं व्यवसिता वयम्।
यद्राज्यसुखलोभेन हन्तुं स्वजनमुद्यताः।।
aho bata mahatpāpaṃ kartuṃ vyavasitā vayam |
yadrājyasukhalobhena hantuṃ svajanamudyatāḥ || 1.45 ||
Alas, we are intent on committing a great sin,
for out of greed for the pleasure of a kingdom, we are prepared to kill our own kinsmen.
॥ Verse 1.46 ॥
यदि मामप्रतीकारमशस्त्रं शस्त्रपाणयः।
धार्तराष्ट्रा रणे हन्युस्तन्मे क्षेमतरं भवेत्।।
yadi mām-apratīkāram-aśastraṃ śastrapāṇayaḥ |
dhārtarāṣṭrā raṇe hanyustanne kṣemataraṃ bhavet || 1.46 ||
If the sons of Dhritarashtra, armed with weapons, were to slay me,
unresisting and unarmed, in the battle, that would be better for me.
॥ Verse 1.47 ॥
सञ्जय उवाच।
एवमुक्त्वाऽर्जुनः सङ्ख्ये रथोपस्थ उपाविशत्।
विसृज्य सशरं चापं शोकसंविग्नमानसः।।
sañjaya uvāca |
evamuktvārjunaḥ saṅkhye rathopastha upāviśat |
visṛjya saśaraṃ cāpaṃ śokasaṃvignamānasaḥ || 1.47 ||
Sanjaya said: Having spoken thus on the battlefield, Arjuna sank down on the seat of the chariot,
casting away his bow and arrows, his mind overwhelmed with sorrow.
॥ इति श्रीमद्भगवद्गीतासूपनिषत्सु ब्रह्मविद्यायां योगशास्त्रे श्रीकृष्णार्जुनसंवादे अर्जुनविषादयोगो नाम प्रथमोऽध्यायः ॥
Thus, in the Upanishads of the glorious srimad-bhagavad-gita, the science of the Eternal, the scripture of Yoga,
the dialogue between Sri Krishna and Arjuna, ends the first chapter, entitled Arjuna Vishada Yoga.