॥ শ্রীমদ্ভগবদ্গীতা ॥

অর্জুন উবাচ ।
মদনুগ্রহায় পরমং গুহ্যমধ্যাত্মসংজ্ঞিতম্।
যত্ত্বয়োত্তং বচস্তেন মোহোহয়ং বিগতো মম।।

ভবাপ্যয়ৌ হি ভূতানাম্ শ্রুতৌ বিস্তরশো ময়া ।
ত্বত্তঃ কমলপত্রাক্ষ মাহাত্ম্যমপি চাব্যয়ম্ ॥

এবমেতদ্ যথাত্থ ত্বম্ আত্মানং পরমেশ্বর ।
দ্রষ্টুমিচ্ছামি তে রূপম্ ঐশ্বরং পুরুষোত্তম ॥

মন্যসে যদি তচ্ছক্যং ময়া দ্রষ্টুমিতি প্রভো ।
যোগেশ্বর ততো মে ত্বং দর্শয়াত্মানমব্যয়ম্ ॥

শ্রীভগবান্ উবাচ ।
পশ্য মে পার্থ রূপাণি শতশোঽথ সহস্রশঃ ।
নানাবিধানি দিব্যানি নানা বর্ণাকৃতি নি চ ॥

পশ্যাদিত্যান্ বসূন্ রুদ্রানশ্বিনৌ মরুতস্তথা ।
বহূন্যদৃষ্টপূর্বাণি পশ্যাশ্চর্যাণি ভারত ॥

ইহৈকস্থং জগৎ কৃৎস্নং পশ্যাদ্য সচরাচরম্ ।
মম দেহে গুড়াকেশ য়চ্চাঽন্যদ্ দ্রষ্টুমিচ্ছসি ॥

ন তু মাং শক্যসে দ্রষ্টুম্ অনেনৈব স্বচক্ষুষা ।
দিব্যং দদামি তে চক্ষুঃ পশ্য মে যোগম্ ঐশ্বরম্ ॥

সঞ্জয় উবাচ ।
এবমুক্ত্বা ততো রাজন্ মহাযোগেশ্বরো হরিঃ ।
দর্শয়ামাস পার্থায় পরমং রূপম্ ঐশ্বরম্ ॥

বহুবক্ত্রনয়নম্ অনেকাদ্ভুতদর্শনম্ ।
বহু দিব্যাভরণং দিব্যানেকোদ্যতায়ুধম্ ॥

দিব্যমাল্যাম্বরধরং দিব্যগন্ধানুলেপনম্ ।
সর্ববাশ্চর্যময়ং দেবম্ অনন্তং বিশ্বতোমুখম্ ॥

দিবি সূর্যসহস্রস্য ভবেদ্ যুগপদুত্থিতা ।
যদি ভাঃ সদৃশী সা স্যাদ্ ভাসস্তস্য মহাত্মনঃ ॥

তত্রৈকস্থং জগৎ কৃৎস্নং প্রবিভক্তম্ অনেকধা ।
অপশ্যদ্ দেবদেবস্য শরীরে পাণ্ডব স্তদা ॥

ততঃ স বিস্ময়া বিষ্টো হৃষ্টরোমা ধনঞ্জয়ঃ ।
প্রণম্য শিরসা দেবং কৃতাঞ্জলিরভাষত ॥

অর্জুন উবাচ ।
পশ্যামি দেবাংস্তব দেব দেহে সর্ববাংস্তথা ভূতবিশেষসঙ্ঘান্ ।
ব্ৰহ্মাণমীশং কমলাস নস্থম্ ঋষীংশ্চ সর্ববান্ উরগাংশ্চ দিব্যান্ ॥

বহুবাহূদরবক্ত্রনেত্রং পশ্যামি ত্বা সর্ববতোঽনন্তরূপম্ ।
নান্তং ন মধ্যং ন পুনস্তবা দিং পশ্যামি বিশ্বেশ্বর বিশ্বরূপ ॥

কিরীটিনং গদিনং চক্রিণং চ তেজোরাশিং সর্ববতো দীপ্তিমন্তম্ ।
পশ্যামি ত্বা দুর্নিরীক্ষ্যং সমস্তাদ্ দীপ্তানলার্কদ্যুতিম্ অপ্রমেয়ম্ ॥

ত্বমক্ষরং পরমং বেদিতব্যং ত্বমস্য বিশ্বস্য পরং নিধানম্ ।
ত্বমব্যয়ঃ শাশ্বতধর্মগোপ্তা সনাতনস্ত্বং পুরুষো মতো মে ॥

অনাদিমধ্যান্তম্ অনন্তবীর্য়ম্ অনন্তবাহুং শশিসূর্য্যনেত্রম্ ।
পশ্যামি ত্বা দীপ্তহুতাশবক্ত্রং স্বতেজসা বিশ্বম্ ইদং তপন্তম্ ॥

দ্যাবাপৃথিব্যোরিদম্ অন্তরং হি ব্যাপ্তং ত্বয়ৈকেন দিশশ্চ সর্ববাঃ ।
দৃষ্ট্বাদ্ভুতং রূপম্ উগ্রং তবেদং লোকত্রয়ং প্রব্যথিতং মহাত্মন্ ॥

অমী হি ত্বা সুরসঙ্ঘা বিশন্তি কেচিদ্ ভিতাঃ প্রাঞ্জলয়ো গৃণন্তি ।
স্বস্তীত্যুক্ত্বা মহর্ষি সিদ্ধসঙ্ঘাঃ স্তুবন্তি ত্বা স্তুতিভিঃ পুষ্কলাভিঃ ॥

রুদ্রাদিত্যা বসো যে চ সাধ্যা বিশ্বেঽশ্বিনৌ মরুতশ্চো ষ্ণপাঃ ।
গন্ধর্বযক্ষাসুরসিদ্ধসঙ্ঘাবীক্ষন্তে ত্বাং বিস্মিতাশ্চৈব সর্বে।।

রূপং মহত্তে বহু বক্ত্রনেত্রং মহাবাহো বহু বাহূরুপাদম্ ।
বহূদরং বহু দংষ্ট্রাকরালং দৃষ্ট্বা লোকাঃ প্রব্যথিতাস্ তথাহম্ ॥

ন র্স্পৃশং দীপ্তম্ অনেক বর্ণং ব্যত্তাননং দীপ্তবিশালনেত্রম্ ।
দৃষ্ট্বা হি ত্বা প্রব্যথিতান্তরাত্মা ধৃতিং ন বিন্দামি শমং চ বিষ্ণে ॥

দংষ্ট্রাকরালানি চ তে মুখানি দৃষ্ট্বৈব কালানলসন্নিভানি ।
দিশো ন জানে ন লভে চ শর্ম্ম প্রসীদ দেবেশ জগন্নিবাস ॥

অমী চ ত্বা ধৃতরাষ্ট্রস্য পুত্রাঃ সর্বে সহৈব ক্ষিতিপালসঙ্ঘৈঃ ।
ভীষ্মো দ্রোণঃ সূতপুত্রস্তথাঽসৌ সহাঽস্মদীয়ৈরপি য়োধমুখ্যৈঃ ॥
বক্ত্রাণি তে ত্বরমাণা বিশন্তি দংষ্ট্রাকরালানি ভয়ানকানি ।
কেচিদ্বিলগ্না দশনান্তরেষু সন্দৃশ্যন্তে চূর্ণিতৈরুত্তমাঙ্গৈঃ ॥

যথা নদীনাং বহবোঽম্বুবেগাঃ সমুদ্রমেবাভিমুখে দ্রবন্তি ।
তথাতবামী নরলোক বীরা বিশন্তি বক্ত্রাণ্যভিবিজ্জ্বলন্তি ॥

যথা প্রদীপ্তং জ্বলনং পতঙ্গা বিশন্তি নাশায় সমৃদ্ধবেগাঃ ।
তথৈব নাশায় বিশন্তি লোকা-স্তবাপি বক্ত্রাণি সমৃদ্ধবেগাঃ ॥

লেলিহ্যসে গ্রসমানঃ সমস্তা-
ল্লোকান্সমগ্রান্বদনৈর্জ্বলদ্ভিঃ ।
তেজোভিরাপূর্য্য জগৎ সমগ্রং
ভাসস্তবোগ্রাঃ প্রতপন্তি বিষ্ণো ॥

আখ্যাহি মে কো ভবানীগ্ররূপো
নমোঽস্তু তে দেব-বর প্রসীদ ।
বিজ্ঞাতুম ইচ্ছামি ভবন্তম আদ্যং
ন হি প্রজানামি তব প্রবৃত্তিম্ ॥

শ্রীভগবান্ উবাচ ।
কালোঽস্মি লোক-ক্ষয়-কৃৎ প্রবৃদ্ধো
লোকান্ সমাহর্ত্তুম ইহ প্রবৃত্তঃ ।
ঋতেঽপি ত্বাং ন ভবিষ্য়ন্তি সর্ব্বে
যেহবস্থিতাঃ প্রত্য়নীকেষু য়োধাঃ ॥

তস্মাত্ত্বম্ উত্থিষ্ট যশো লভস্ব
জিত্তা শত্রুন্ ভুঙ্ক্ষ্ব রাজ্যং সমৃদ্ধম্ ।
ময়ৈবৈতে নিহতাঃ পূর্ব্বম এব
নিমিত্তমাত্রং ভব সব্য়সাচিন ॥

দ্ৰোণং চ ভীষ্মং চ জয়দ্রথং চ কর্ণং তথান্যানপি যোধবীরান্।
ময়া হতাংস্ত্বং জহি মা ব্যথিষ্ঠা যুধ্যস্ব জেতাসি রণে সপত্নান্‌॥

সঞ্জয় উবাচ ।
এতচ্ছ্রুত্বা বচনং কেশবস্য
কৃতাঞ্জলিঃ বেপমানঃ কিরীটী ।
নমস্কৃত্বা ভূয় এবাহ কৃষ্ণং
সগদ্গদং ভীত-ভীতঃ প্ৰণম্য ॥

অর্জুন উবাচ ।
স্থানে হৃষীকেশ তব প্রকীর্ত্ত্যা
জগত্ প্রহৃষ্যত্যনুরজ্যতে চ ।
রক্ষাসি ভীতাণি দিশো দ্রবন্তি
সর্ব্বে নমস্যন্তি চ সিদ্ধ-সঙ্ঘাঃ ॥

কস্মাচ্চ তে ন নমেরন্ মহাত্মন্
গরীয়সে ব্ৰহ্মণোঽপ্য আদি-কর্ত্তে ।
অনন্ত দেবেশ জগন্নিবাস
ত্বম্ অক্ষরং সদসত্ তত্ পরং য়ত্ ॥

ত্বম্ আদি-দেবঃ পুরুষঃ পুরাণস্
ত্বম্ অস্য বিশ্বস্য পরং নিধানম্ ।
বেত্তাসি বেদ্যং চ পরং চ ধাম
ত্বয়া ততং বিশ্বম্ অনন্ত-রূপ ॥

বায়ুর্ য়মোঽগ্নির্ বরুণঃ শশাঙ্কঃ
প্রজাপতিস্ত্বং প্রপিতামহশ্চ ।
নমো নমস্তেঽস্তু সহস্র-কৃত্বঃ
পুনশ্চ ভূয়োঽপি নমো নমস্তে ॥

নমঃ পুরস্তাদ অথ পৃষ্ঠতস তে
নমোঽস্তু তে সর্ববত এব সর্ব ।
অনন্ত-বীর্য্যামিত-বিক্রমস্
ত্বং সর্ববং সমাপ্নোষি ততোঽসি সর্বঃ ॥

সখেতি মত্বা প্রসভং যদুক্তং হে কৃষ্ণ হে যাদব হে সখেতি।
অজানতা মহিমানং তবেদং ময়া প্রমাদাত্ প্ৰণয়েনাপি বা ॥
যচ্চাবহাসার্থম্ অসত্কৃতোঽসি বিহার-শয্যাঽসন-ভোজনেষু ।
একোঽথবাঽপ্য অচ্যুত সমক্ষম্ এতত্ ক্ষমাপয়ে ত্বাম্ অহম্ অপ্রমেয়ম্ ॥

পিতাঽসি লোকস্য চরাচরস্য ত্বম্ অস্য পূজ্যশ্চ গুরুর্ গরীয়ান্ ।
ন ত্বৎসমোহস্ত্যভ্যধিকঃ কুতোহন্যোলোকত্রয়েহ প্যপ্রতিমপ্রভাব।।

তস্মাত্ প্রণম্য প্রণিধায় কায়ং
প্রসাদয়ে ত্বাম্ অহম্ ঈশম্ ঈড্যম্ ।
পিতেব পুত্ৰস্য সখেব সখ্যুঃ
প্রিয়ায়ার্হসি দেবদেব সোঢুম্ ॥

অদৃষ্টপূৰ্ব্বং হৃষিতোঽস্মি দৃষ্ট্বা
ভয়েন চ প্ৰব্যথিতং মনো মে ।
তদেব মে দর্শয় দেব রূপং
প্রসীদ দেবেশ জগন্নিবাস ॥

কিরীটিনং গদিনং চক্রিণং চ
ইচ্ছামি ত্বাং দ্রষ্টুম্ অহং তথৈব ।
তেনৈব রূপেণ চতুর্-ভুজেন
সহস্র-বাহো ভব বিশ্বমূৰ্ত্তে ॥

শ্রীভগবান্ উবাচ ।
ময়া প্রসন্নেন তবার্জ্জুনেদং
রূপং পরং দর্শিতম্ আত্মযোগাত্ ।
তেজোময়ং বিশ্বম্ অনন্তম্ আদ্যং
যস্মে ত্বদন্যেন ন কদাচিদ্ দৃষ্টপূৰ্ব্বম্ ॥

ন বেদযজ্ঞাধ্যয়নৈর্ন দানৈ-র্ন চ ক্রিয়াভির্ন তপোভিরুগ্রৈঃ
এবংরূপঃ শক্যোঽহং নৃলোকে দ্ৰষ্টুং ত্বদ অন্যেন কুৰু-প্ৰবীর ॥

মা তে ব্য়থা মা চ বিমূঢ়-ভাবো
দৃষ্ট্বা রূপং ঘোরমীদৃঙ্ মমেদম্।
ব্যপেতভীঃ প্রীতমনাঃ পুনস্ত্বং
তদেব মে রূপম্ ইদং প্ৰপশ্য ॥

সঞ্জয় উবাচ ।
ইত্য অর্জুনং বাসুদেবস্তথোক্ত্বা
স্বকং রূপং দর্শয়ামাস ভূয়ঃ ।
আশ্বাসয়ামাস চ ভীতম্ এনং
ভূত্বা পুনঃ সৌম্য-বপুর্ মহাত্মা ॥

অর্জুন উবাচ ।
দৃষ্ট্বেেদং মানুষং রূপং তব সৌম্যং জনার্দন ।
আদানীমস্মি সংবৃত্তঃ সচেতাঃ প্রকৃতিং গতঃ ॥

শ্রীভগবান্ উবাচ ।
সুদুর্দর্শম্ ইদং রূপং দৃষ্টবানাাসি য়ন্ মম ।
দেবা অপ্যস্য রূপস্য় নিত্য়ং দর্শন-কাঙ্ক্ষিণঃ ॥

নাহং বেদৈর্ ন তপসা ন দানেন ন চেজ্য়য়া ।
শক্যএবংবিধো দ্রষ্টুং দৃষ্টবানাাসি য়থা মাাম্ ॥

ভক্ত্যা ত্বনন্যয়া শক্য অহম্ এবংবিধোঽর্জুন ।
জ্ঞাতুং দ্রষ্টুং চ তত্ত্ৱেন প্রবেষ্টুং চ পরন্তপ ॥

মত্কর্মকৃন মত্পরমো মদ্ভক্তঃ সঙ্গবর্জিতঃ ।
নির্বৈরঃ সর্বভূতেষু যঃ স মামেতি পান্ডব ॥

এইভাবে শ্রীমদ্ভগবদ্গীতা উপনিষদের ব্রহ্মবিদ্যা এবং যোগশাস্ত্রের অন্তর্গত শ্রীকৃষ্ণ ও অর্জুনের সংবাদে 'বিশ্বরূপ দর্শন যোগো' নামক একাদশ অধ্যায় সমাপ্ত হলো।