॥ শ্রীমদ্ভগবদ্গীতা ॥

ময্যাসক্তমনাঃ পার্থ যোগং যুঞ্জন্ মদাশ্রয়ঃ ।
অসংশয়ং সমগ্রং মাং যথা জ্ঞাস্যসি তচ্ছৃণু ॥

জ্ঞানং তেঽহং সবিজ্ঞানম্ ইদং বক্ষ্যাম্যশেষতঃ ।
যজ্ জ্ঞাত্বা নেহ ভূয়োঽন্যজ্ জ্ঞাতব্যম্ অবশিষ্যতে ॥

মনুষ্যাণাং সহস্রেযু কশ্চিদ্ যততি সিদ্ধয়ে ।
যততাম্ অপি সিদ্ধানাং কশ্চিন্ মাং বেত্তি তত্ত্বতঃ ॥

ভূমির্ আপোঽনলো বায়ুঃ খং মনো বুদ্ধির্ এব চ ।
অহঙ্কার ইতীয়ং মে ভিন্না প্রকৃতির্ অষ্টধা ॥

অপরেয়মিতস্ত্বন্যাং প্রকৃতিং বিদ্ধি মে পরাম্ ।
জীবভূতাং মহাবাহো যয়েদং ধার্যতে জগৎ ॥

এতদযোনীনি ভূতানি সর্বাণীত্য়ুপধারয় ।
অহং কৃৎস্নস্য জগতঃ প্রভবঃ প্রলয়স্ তথা ॥

মত্তঃ পরতরং নান্যত্ কিঞ্চিদস্তি ধনঞ্জয় ।
ময়ি সর্বম্ ইদং প্রোতং সূত্রে মণিগণা ইব ॥

রসোঽহম্ অপ্সু কৌন্তেয় প্রভাঽস্মি শশি সূর্যয়োঃ ।
প্রণবঃ সর্ব বেদেযু শব্দঃ খে পৌরুষং নৃষু ॥

পুণ্যো গন্ধঃ পৃথিব্যাং চ তেজশ্চাস্মি বিভাবসৌ ।
জীবনং সর্বভূতেষু তপশ্চাস্মি তপস্বিষু ॥

বীজং মাং সর্বভূতানাং বিদ্ধি পার্থ সনাতনম্।
বুদ্ধির্বুদ্ধিমতামস্মি তেজস্তেজস্বিনামহম্ ॥

বলং বলবতাম্ অস্মি কামরাগবিবর্জিতম্ ।
ধর্মা বিরুদ্ধো ভূতেষু কামোঽস্মি ভরতর্ষভ ॥

যে চৈব সাত্ত্বিকা ভাবা রাজসাস্তামসাশ্চ যে।
মত্ত এবেতি তান্ বিদ্ধি ন ত্বহং তেষু তে ময়ি।।

ত্রিভির্গুণময়ৈর্ভাবৈরেভিঃ সর্বমিদং জগৎ।
মোহিতং নাভি জানাতি মামেভ্যঃ পরম্ অব্যয়ম্ ॥

দৈবী হ্যেষা গুণময়ী মম মায়া দুরত্যয়া ।
মামেব যে প্রপদ্যন্তে মায়ামেতাং তরন্তি তে ॥

ন মাং দুষ্কৃতিনো মূঢ়া প্রপদ্যন্তে নরাধমাঃ ।
মায়য়াপহৃতজ্ঞানা আসুরং ভাবম্ আশ্রিতাঃ ॥

চতুর্বিধা ভজন্তে মাং জনাঃ সুকৃতিনোঽর্জুন ।
আর্তো জিজ্ঞাসুরর্থার্থী জ্ঞানী চ ভরতর্ষভ ॥

তেষাং জ্ঞানী নিত্য যুক্ত একভক্তির্ বিশিষ্যতে ।
প্রিয়ো হি জ্ঞানিনোঽত্য়র্থম্ অহং স চ মম প্রিয়ঃ ॥

উদারাঃ সর্ব এবৈতে জ্ঞানী ত্ব্ আত্মৈব মে মতম্ ।
আস্থিতঃ স হি যুক্তাত্মা মামেবানুত্তমাং গতিম্ ॥

বহূনাং জন্মনাম্ অন্তে জ্ঞানবান্ মাং প্রপদ্যতে ।
বাসুদেবঃ সর্বম্ ইতি স মহাত্মা সুদুর্লভঃ ॥

কামৈস্তৈস্তৈর্হৃতজ্ঞানাঃ প্রপদ্যন্তেঽন্যদেবতাঃ ।
তং তং নিয়মম্ আস্থায় প্রকৃত্যা নিয়তাঃ স্বয়া ॥

যো যো যাং তনুং ভক্তঃ শ্রদ্ধয়ার্চিতুমিচ্ছতি ।
তস্য তস্যা চলাং শ্রদ্ধাং তামেব বিদধাম্য্ অহম্ ॥

স তয়া শ্রদ্ধয়া যুক্তস্ তস্যারাধনম্ ঈহতে ।
লভতে চ ততঃ কামান্ ময়ৈব বিহিতান্ হি তান্ ॥

অন্তবত্ তু ফলং তেষাং তদ্ ভবত্যল্পমেধসাম্ ।
দেবান্ দেবয়জো য়ান্তি মদ্ ভক্তা য়ান্তি মাম্ অপি ॥

অব্যক্তং ব্যক্তিম্ আপন্নং মন্যন্তে মাম্ অবুদ্ধয়ঃ ।
পরং ভাবম্ অজানন্তো মমাব্য়য়ম্ অনুত্তমম্ ॥

নাহং প্রকাশঃ সর্বস্য যোগমায়া সমাবৃতঃ ।
মূঢ়োঽয়ং নাভি জানাতি লোকো মাম্ অজম্ অব্যয়ম্ ॥

বেদা হং সমতীতানি বর্ত্তমানানি চার্জুন ।
ভবিষ্যৎ তানি চ ভূতানি মাং তু বেদ ন কশ্চন ॥

ইচ্ছাদ্বেষসমুত্থেন দ্বন্দ্বমোহেন ভারত ।
সর্বভূতানি সংমোহং য়ান্তি পরন্তপ ॥

যেষাং ত্ব্ অন্তগতং পাপং জনানাং পুণ্যকর্মণাম্ ।
তে দ্বন্দ্ব মোহ নির্মুক্তা ভজন্তে মাং দৃঢ়ব্রতাঃ ॥

জরা মরণ মোক্ষায় মাম্ আশ্রিত্য য়তন্তি য়ে ।
তে ব্রহ্ম তদ্ বিদুঃ কৃৎস্নম্ অধ্যাত্মং কর্ম চাখিলম্ ॥

সাধিভূতাধিদৈবং মাং সাধিযজ্ঞং চ য়ে বিদুঃ ।
প্রয়াণকালেঽপি চ মাং তে বিদুর্ যুক্তচেতসঃ ॥

এইভাবে শ্রীমদ্ভগবদ্গীতা উপনিষদের ব্রহ্মবিদ্যা এবং যোগশাস্ত্রের অন্তর্গত শ্রীকৃষ্ণ ও অর্জুনের সংবাদে 'জ্ঞান-বিজ্ঞান-যোগ' নামক সপ্তম অধ্যায় সমাপ্ত হলো।