॥ শ্রীমদ্ভগবদ্গীতা ॥

ইদং তু তে গুহ্যতমং প্রবক্ষ্যাম্য্ অনসূয়বে ।
জ্ঞানং বিজ্ঞানসহিতং যজ্ জ্ঞাত্বা মোক্ষ্যসেঽশুভাৎ ॥

রাজবিদ্যা রাজগুহ্যং পবিত্রম্ ইদম্ উত্তমম্ ।
প্রত্যক্ষাবগমং ধর্ম্ম্যং সুসুখং কর্ত্তুম্ অব্যয়ম্ ॥

অশ্রদ্দধানাঃ পুরুষা ধর্ম্মস্যাস্য পরন্তপ ।
অপ্রাপ্য মাং নিবর্ত্তন্তে মৃত্যুসংসারবর্ত্মনি ॥

ময়া ততম্ ইদং সর্ববং জগদ্ অব্যক্ত মূর্ত্তিনা ।
মৎস্থানি সর্ববভূতানি ন চাহং তেম্ববস্থিতঃ ॥

ন চ মৎস্থানি ভূতানি পশ্য মে যোগম্ ঐশ্বরম্ ।
ভূতভৃন্ ন চ ভূতস্থো মমাঽত্মা ভূতভাবনঃ ॥

যথাঽঽকাশস্থিতে নিত্যং বায়ুঃ সর্ববত্রগো মহান্ ।
তথা সর্ববাণি ভূতানি মৎস্থানীত্যুপধারয় ॥

সর্ববভূতানি কৌন্তেয় প্রকৃতিং য়ান্তি মামিকাম্ ।
কল্পক্ষয়ে পুনস্ তানি কল্পাদৌ বিসৃজাম্য্ অহম্ ॥

প্রকৃতিং স্বাম্ অবষ্টভ্য বিসৃজামি পুনঃ পুনঃ ।
ভূতগ্রামমিমং কৃৎস্নম্ অবশং প্রকৃতের্ববশাৎ ॥

ন চ মাং তানি কর্ম্মাণি নিবঘ্নন্তি ধনঞ্জয় ।
উদাসীনবদাসী ন ম্ অসক্তং তেষু কর্ম্মসু ॥

ময়াঽধ্যক্ষেণ প্রকৃতিঃ সূয়তে সচরাচরম্ ।
হেতুনানে কৌন্তেয় জগদ্ বিপরিবর্ত্ততে ॥

অবজানন্তি মাং মূঢ়া মানুষীং তনুমাশ্রিতম্ ।
পরং ভাবম্ অজানন্তো মম ভূতমহেশ্বরম্ ॥

মোঘাঽঽশা মোঘকর্ম্মাণো মোঘজ্ঞানা বিচেতসঃ ।
রাক্ষসীম্ আসুরীং চৈব প্রকৃতিং মোহিনীং শ্রিতাঃ ॥

মহাত্মানস্ তু মাং পার্থ দৈবীং প্রকৃতিম্ আশ্রিতাঃ ।
ভজন্ত্য্ অনন্যমনসো জ্ঞাত্বা ভূতাদিমব্যয়ম্ ॥

সততং কীর্তয়ন্তো মাং যতন্তশ্চ দৃঢ়ব্রতাঃ ।
নমস্যন্ত শ্চ মাং ভক্ত্যা নিত্য য়ুক্তা উপাসতে ॥

জ্ঞানযজ্ঞেন চাপ্যন্যে যজন্তো মামুপাসতে ।
একত্বেন পৃথক্ত্বেন বহুধ বিশ্বতোমুখম্ ॥

অহং ক্রতুরহং যজ্ঞঃ স্বধাহমহমৌষধম্ ।
মন্ত্রোঽহম্ অহম্ এবাঽজ্যম্ অহম্ অগ্নির্ অহং হুতম্ ॥

পিতাঽহম্ অস্য জগতঃ মাতা ধাতা পিতামহঃ ।
বেদ্যং পবিত্রম্ ওঙ্কার ঋক্ সাম যজুরেব চ ॥

গতির্ভর্তা প্রভূঃ সাক্ষী নিবাসঃ শরণং সুহৃৎ ।
প্রভবঃ প্রলয়ঃ স্থানং নিধানং বীজমব্যয়ম্ ॥

তপাম্য্ অহম্ অহং বর্ষং নিগৃহ্নাম্য্ উত্সৃজামি চ ।
অমৃতং চৈব মৃত্যু শ্চ সদসচ্চাঽহম্ অর্জুন ॥

ত্রৈবিদ্যা মাং সোমপাঃ পূতপাপা
যজ্ঞৈরিষ্ট্বা স্বর্গতিং প্রার্থয়ন্তে ।
তে পুণ্যমাসাদ্য সুরেন্দ্রলোকম্
অশ্নন্তি দিব্যান্ দিবি দেবভোগান্ ॥

তে তং ভুক্ত্বা স্বর্গলোকং বিশালং ক্ষীণেম্ পুণ্যেম্ মর্ত্ত্যলোকং বিশন্তি ।
এবং ত্রয়ীধর্মম্ অনুপ্রপন্না গতাগতং কামকামা লভন্তে ॥

অনন্যাশ্ চিন্তয়ন্তো মাং য়ে জনাঃ পর্য্যুপাসতে ।
তেষাং নিত্যাভিয়ুক্তানাং যোগক্ষেমং বহাম্য্ অহম্ ॥

যেহ্প্যন্যদেবতাভক্তা যজন্তে শ্রদ্ধয়ান্বিতাঃ ।
তেঽপি মাম্ এব কৌন্তেয় যজন্ত্যবিধিপূর্বকম্॥

অহং হি সর্ববযজ্ঞানাং ভোক্তা চ প্রভুর্ এব চ ।
ন তু মাম্ অভিজানন্তি তত্ত্বেনাঽতশ্ চ্যবন্তি তে ॥

যান্তি দেবব্রতা দেবান্ পিতৃন্ যান্তি পিতৃব্রতাঃ ।
ভূতানি যান্তি ভূতেজ্যা যান্তি মদ্ যাজিনোহপি মাম্

পত্রং পুষ্পং ফলং তোয়ং যো মে ভক্ত্যা প্রযচ্ছতি ।
তদহং ভক্ত্যুপহৃতমশ্নামি প্রযতাত্মনঃ ॥

যৎকরোষি যদশ্নাসি যজ্জুহোষি দদাসি যৎ ।
যত্তপস্যসি কৌন্তেয় তৎকুরুষ্ব মদর্পণম্ ॥

শুভাশুভফলৈর্ এবং মোক্ষ্যসে কর্ম্মবন্ধনৈঃ ।
সন্ন্যাসযোগযুক্তাত্মা বিমুক্তো মামুপৈষ্যসি ॥

সমোঽহং সর্ববভূতেষু ন মে দ্বেষ্যোঽস্তি ন প্রিয়ঃ ।
যে ভজন্তি তু মাং ভক্ত্যা ময়ি তে তেষু চাপ্য্ অহম্ ॥

অপি চেৎ সুদুরাচারো ভজতে মামনন্যভাক্ ।
সাধুরেব স মন্তব্যঃ সম্যগ্ ব্যবসিতো হি সঃ

ক্ষিপ্রং ভবতি ধর্মাত্মা শশ্বচ্ছান্তিং নিগচ্ছতি ।
কৌন্তেয় প্রতিজানীহি ন মে ভক্তঃ প্রণশ্যতি ॥

মাং হি পার্থ ব্যপাশ্রিত্য যেহপি স্যুঃ পাপযোনয়ঃ ।
স্ত্রিয়ো বৈশ্যাস্তথা শূদ্রাস্তেহপি যান্তি পরাং গতিম্ ॥

কিং পুনর্ব্রাহ্মণাঃ পুণ্যা ভক্তা রজর্ষয়স্তথা ।
অনিত্যমসুখং লোকমিমং প্রাপ্য ভজস্ব মাম্ ॥

মন্মনা ভব মদ্ভক্তো মদ্ যাজী মাং নমস্কুরু ।
মামেবৈষ্যসি যুক্ত্বৈবমাত্মানং মৎপরায়ণঃ ॥

এইভাবে শ্রীমদ্ভগবদ্গীতা উপনিষদের ব্রহ্মবিদ্যা এবং যোগশাস্ত্রের অন্তর্গত শ্রীকৃষ্ণ ও অর্জুনের সংবাদে 'রাজ বিদ্যা রাজ গুহ্য যোগ' নামক নবম অধ্যায় সমাপ্ত হলো।