॥ শ্রীমদ্ভগবদ্গীতা ॥

অর্জুন উবাচ ।
সন্ন্যাসস্য মহাবাহো তত্ত্বমিচ্ছামি বেদিতুম্ ।
ত্যাগস্য চ হৃষীকেশ পৃথক্কেশিনিসূদন ॥

শ্রীভগবান্ উবাচ ।
কাম্যানাং কর্মণাং ন্যাসং সন্ন্যাসং কবয়ো বিদুঃ ।
সর্বকর্মফলত্যাগং প্রাহুস্ত্যাগং বিচক্ষণাঃ ॥

ত্যজ্যং দোষবদিত্যেকে কর্ম প্রাহুর্মনীষিণঃ ।
যজ্ঞদানতপঃকর্ম ন ত্যাজ্যমিতি চাপরে ॥

নিশ্চয়ং শৃণু মে তত্র ত্যাগে ভরতসত্তম ।
ত্যাগো হি পুরুষব্যাঘ্র ত্রিবিধঃ সংপ্রকীর্তিতঃ ॥

যজ্ঞদানতপঃকর্ম ন ত্যাজ্যং কার্যমেব তত্ ।
যজ্ঞো দানং তপশ্চৈব পাবনানি মনীষিণাম্ ॥

এতান্যপি তু কর্মাণি সঙ্গং ত্যক্ত্বা ফলানি চ ।
কর্তব্যানি মে পার্থ নিশ্চিতং মতমুত্তমম্ ॥

নিয়তস্য তু সন্ন্যাসঃ কর্মণো নোপপদ্যতে ।
মোহাত্তস্য পরিত্যাগস্ তামসঃ পরিকীর্তিতঃ ॥

দুঃখমিত্যেব যত্ কর্ম কায়ক্লেশভয়াত্ ত্যজেত্ ।
স কৃত্বা রাজসং ত্যাগং নৈব ত্যাগফলং লভেত্ ॥

কার্যমিত্যেব যত্ কর্ম নিয়তং ক্রিয়তেঽর্জুন ।
সঙ্গং ত্যক্ত্বা ফলং চৈব স ত্যাগঃ সাত্ত্বিকো মতঃ ॥

ন দ্বেষ্ট্যকুশলং কর্ম কুশলে নানুষজ্জতে ।
ত্যাগী সত্ত্বসমাবিষ্টো মেধাবী ছিন্নসংশয়ঃ ॥

ন হি দেহভৃতা শক্যং ত্যক্তুং কর্মাণ্যশেষতঃ ।
যস্তু কর্মফলত্যাগী স ত্যাগীত্যভিধীয়তে ॥

অনিষ্টমিষ্টং মিশ্রং চ ত্রিবিধং কর্মণঃ ফলম্ ।
ভবত্যত্যাগিনাং প্রেত্য ন তু সন্ন্যাসিনাং ক্বচিত্ ॥

পঞ্চৈতানি মহাবাহো কারণানি নিবোধ মে ।
সাঙ্খ্য কৃতান্তে প্রোক্তানি সিদ্ধয়ে সর্বকর্মণাম্ ॥

অধিষ্ঠানং তথা কর্তা করণং চ পৃথগ্-বিধম্ ।
বিবিধাশ্চ পৃথক্ চেষ্টা দৈবং চৈবাত্র পঞ্চমম্ ॥

শরীরবাঙ্মনোভির্ যত্ কর্ম প্রারভতে নরঃ ।
ন্যায্যং বা বিপরীতং বা পঞ্চৈতে তস্য হেতবঃ ॥

তত্রৈবং সতি কর্তারম আত্মানং কেবলং তু যঃ ।
পশ্যত্যকৃতবুদ্ধিত্বা ন স পশ্যতি দুর্মতিঃ ॥

যস্য নাহংকৃতো ভাবো বুদ্ধির্ যস্য ন লিপ্যতে ।
হত্বাঽপি স ইমাল্লোকান্ ন হন্তি ন নিবধ্যতে ॥

জ্ঞানং জ্ঞেয়ং পরিজ্ঞাতা ত্রিবিধা কর্মচোদনা ।
করণং কর্ম কর্তেতি ত্রিবিধঃ কর্মসংগ্রহঃ ॥

জ্ঞানং কর্ম চ কর্তা চ ত্রিধৈব গুণভেদতঃ ।
প্রোচ্যতে গুণসাঙ্খ্যেষু যথাবচ্ছৃণু তান্যপি ॥

সর্বভূতেষু যেনৈকং ভাবমব্যয়ম ঈক্ষতে ।
অবিভক্তং বিভক্তেষু তজ্ জ্ঞানং বিদ্ধি সাত্ত্বিকম্ ॥

পৃথক্ত্বেন তু যজ জ্ঞানং নানাভাবান্ পৃথগ্বিধান্ ।
বেত্তি সর্বেষু ভূতেষু তজ্ জ্ঞানং বিদ্ধি রাজসম্ ॥

য়ত্তু কৃত্স্নবদেকস্মিন্ কার্য্যে সক্তমহৈতুকম্ ।
অতত্ত্বার্থবদল্পং চ তত্তামসমুদাহৃতম্ ॥

নিয়তং সঙ্গরহিতম অরাগদ্বেষতঃ কৃতম্ ।
অফলপ্রেপ্সুনা কর্ম য়ত্তত্ সাত্ত্বিকমুচ্যতে ॥

য়ত্তু কামেপ্সুনা কর্ম সাহংকারেণ বা পুনঃ ।
ক্রিয়তে বহ্বায়াসং তদ্রাজসমুদাহৃতম্ ॥

অনুবন্ধং ক্ষয়ং হিংসাম অনবেক্ষ্য চ পৌরুষম্ ।
মোহাদারভতে কর্ম য়ত্তত্তামসমুচ্যতে ॥

মুক্তসঙ্গোঽনহংবাদী ধৃত্যুত্সাহসমন্বিতঃ ।
সিদ্ধ্যসিদ্ধ্যোর্নির্বিকারঃ কর্তা সাত্ত্বিক উচ্যতে ॥

রাগী কর্মফলপ্রেপ্সুর্ লুব্ধো হিংসাত্মকোহশুচিঃ ।
হর্ষশোকান্বিতঃ কর্তা রাজসঃ পরিকীর্তিতঃ ॥

অযুক্তঃ প্রাকৃতঃ স্তব্ধঃ শঠো নৈষ্কৃতিকোহলসঃ ।
বিষাদী দীর্ঘসূত্রী চ কর্তা তামস উচ্যতে ॥

বুদ্ধের্ ভেদং ধৃতেশ্চৈব গুণতস ত্রিবিধং শৃণু ।
প্রোচ্যমানম অশেষেণ পৃথক্ত্বেন ধনঞ্জয় ॥

প্রবৃত্তিং চ নিবৃত্তিং চ কার্যাকার্যে ভয়ীভয়ে ।
বন্ধং মোক্ষং চ যা বেত্তি বুদ্ধিঃ সা পার্থ সাত্ত্বিকী ॥

য়য়া ধর্মম অধর্মং চ কার্যং চাকার্যমেব চ ।
অযথাবত্ প্রজানাতি বুদ্ধিঃ সা পার্থ রাজসী ॥

অধর্মং ধর্মমিতি যা মন্যতে তমসাবৃতা ।
সর্বার্থান্ বিপরীতান্ চ বুদ্ধিঃ সা পার্থ তামসী ॥

ধৃত্যা যয়া ধারয়তে মনঃপ্রাণেন্দ্রিয়ক্রিয়াঃ ।
যোগেনাব্যভিচারিণ্যা ধৃতিঃ সা পার্থ সাত্ত্বিকী ॥

যয়া তু ধর্মকামার্থান্ ধৃত্যা ধারয়তেঽর্জুন ।
প্রসঙ্গেণ ফলাকাঙ্ক্ষী ধৃতিঃ সা পার্থ রাজসী ॥

যয়া স্বপ্নং ভয়ং শোকং বিষাদং মদমেব চ ।
বিমুঞ্চতি দুর্মেধা ধৃতিঃ সা পার্থ তামসী ॥

সুখং ত্বিদানীং ত্রিবিধং শৃণু মে ভরতর্ষভ ।
অভ্যাসাদ্ রমতে যত্র দুঃখান্তং চ নিগচ্ছতি ॥

যত্তদগ্রে বিষমিব পরিণামেঽমৃতোপমম্ ।
তত্ সাত্ত্বিকং সুখং প্রোক্তম আত্মবুদ্ধিপ্রসাদজম্ ॥

বিষয়েন্দ্রিয়সংয়োগাদ্ যত্তদগ্রেহমৃতোপমম্ ।
পরিণামে বিষমিব তদ্রাজসমুদাহৃতম্ ॥

যদগ্রে চানুবন্ধে চ সুখং মোহনম আত্মনঃ ।
নিদ্রালস্যপ্রমাদোত্থং তত্তামসমুদাহৃতম্ ॥

ন তদস্তি পৃথিবীতে বা দিবি দেবেন্দ্রেষু বা পুনঃ ।
সত্ত্বং প্রকৃতিজৈর্ মুক্তং যদেভিঃ স্যাত্ ত্রিভির্ গুণৈঃ ॥

ব্রাহ্মণক্ষত্রিয়বিশাং শূদ্রাণাং চ পরন্তপ ।
কর্মাণি প্রবিভক্তানি স্বভাবপ্রভবৈর্ গুণৈঃ ॥

শমো দমস্তপঃ শৌচং ক্ষান্তিরার্জবমেব চ ।
জ্ঞানং বিজ্ঞানম আস্তিক্যং ব্রহ্মকর্ম স্বভাবজম্ ॥

শৌর্যং তেজো ধৃতির্ দাক্ষ্যং যুদ্ধে চাপ্যপলায়নম্ ।
দানম ঈশ্বরভাবশ্চ ক্ষাত্রং কর্ম স্বভাবজম্ ॥

কৃষিগরক্ষ্যবাণিজ্যং বৈশ্যকর্ম স্বভাবজম্ ।
পরিচর্যাত্মকং কর্ম শূদ্রস্যাপি স্বভাবজম্ ॥

স্বে স্বে কর্মণ্যভিরতঃ সংসিদ্ধিং লভতে নরঃ ।
স্বকর্মনিরতঃ সিদ্ধিং যথা বিন্দতি তচ্ছৃণু ॥

যতঃ প্রবৃত্তির্ ভূতানং যেন সর্বমিদং ততং ।
স্বকর্মণা তম অভ্যর্চ্য সিদ্ধিং বিন্দতি মানবঃ ॥

শ্রেয়ান্ স্বধর্মো বিগুণঃ পরধর্মা্ত্ স্বনুষ্ঠিতা্ত্ ।
স্বভাবনিয়তং কর্ম কুর্বন্ নাপ্নোতি কিল্ল্বিষম্ ॥

সহজং কর্ম কৌন্তেয় সদোষমপি ন ত্যজেত্ ।
সর্বারম্ভা হি দোষেণ ধূমেনাগ্নির্ ইবাবৃতাঃ ॥

আসক্তবুদ্ধিঃ সর্বত্র জিতাত্মা বিগতস্পৃহঃ ।
নৈষ্কর্ম্যসিদ্ধিং পরমাং সন্ন্যাসেনা্ধিগচ্ছতি ॥

সিদ্ধিং প্রাপ্তো যথা ব্রহ্ম তথাপ্নোতি নিবোধ মে ।
সমাসেনৈব কৌন্তেয় নিষ্ঠা জ্ঞানস্য যা পরা ॥

বুদ্ধ্যা বিশুদ্বয়া যুক্তো ধৃত্যাঽত্মানং নিয়ম্য চ ।
শব্দাদীন্ বিষয়়াংস্ত্যক্ত্বা রাগদ্বেষৌ ব্যুদস্য চ ॥
বিবিক্তসেবী লঘ্বাশী য়তবাক্কায়মানসঃ ।
সদা যোগপরো ভূত্বা বৈরাগ্যং সমুপাশ্রিতঃ ॥
অহঙ্কারং বলং দর্পং কামং ক্রোধং পরিগ্রহম্ ।
বিমুচ্য নির্মমঃ শান্তো ব্রহ্মভূয়ায় কল্পতে ॥

ব্রহ্মভূতঃ প্রসন্নাত্মা ন শোচতি ন কাঙ্ক্ষতি ।
সমঃ সর্বেষু ভূতেষু মদ্ভক্তিং লভতে পরাম্ ॥

ভক্ত্যা মামভিজানাতি যাবান্ যশ্চাস্মি তত্ত্বতঃ ।
ততো মাং তত্ত্বতো জ্ঞাত্বা বিশতে তদনন্তরম্ ॥

সর্বকর্মাণ্যপি সদা কুর্বাণো মদ্ব্যপাশ্রিতঃ ।
মত্প্রসাদাদবাপ্নোতি শাশ্বতং পদম অব্যয়ম্ ॥

চেতসা সর্বকর্মাণি ময়ি সংন্যস্য মত্পরঃ ।
বুদ্ধিযোগম উপাশ্রিত্য মচ্চিত্তঃ সততং ভব ॥

মচ্চিত্তঃ সর্বদুর্গাণি মত্প্রসাদাত্তরিষ্যসি ।
অথ চেত্ত্বম অহঙ্কারা্ ন শ্রোক্ষ্যসি বিনঙ্ক্ষ্যসি ॥

য়দহঙ্কারম আশ্রিত্য ন যোৎস্য ইতি মন্যসে ।
মিথ্যৈষ ব্যবসায়স্তে প্রকৃতিস্ত্বাং নিয়োক্ষ্যতি ॥

স্বভাবজেন কৌন্তেয় নিবন্ধঃ স্বেন কর্মণা ।
কর্তুং নেচ্ছসি যম্মোহাৎ করিষ্যস্যবশোহপি তত্ ॥

ঈশ্বরঃ সর্বভূতানাং হৃদদ্দেশেঽর্জুন তিষ্ঠতি ।
ভ্রাময়ন্ সর্বভূতানি য়ন্ত্রারূঢানি মায়য়া ॥

তম্ এব শরণং গচ্ছ সর্বভাবেন ভারত ।
তত্প্রসাদা্ত্ পরাং শান্তি ং স্থানং প্রাপ্স্যসি শাশ্বতম্ ॥

ইতি তে জ্ঞানম আখ্যাতং গুহ্যাদ্ গুহ্যতরং ময়া ।
বিমৃশ্যৈতদ অশেষেণ যথেচ্ছসি তথা কুরু ॥

সর্বগুহ্যতমং ভূয়ঃ শৃণু মে পরমং বচঃ ।
ইষ্টোঽসি মে দৃঢ়ম ইতি ততো বক্ষ্যামি তে হিতম্ ॥

মন্মনা ভব মদ্ভক্তো মদ্য়াজী মাং নমস্কুরু ।
মামেবৈষ্যসি সত্যং তে প্রতিজানে প্রিয়োঽসি মে ॥

সর্বধর্মান্ পরিত্যজ্য মামেকং শরণং ব্রজ ।
অহং ত্বা সর্বপাপেভ্যো মোক্ষয়িষ্যামি মা শুচঃ ॥

ইদং তে নাতপস্কায় নাভক্তায় কদাচন ।
ন চাশুশ্রূষবে বাচ্যং ন চ মাং যোহভ্যসূয়তি ॥

য ইদং পরমং গুহ্যং মদ্ভক্তেষ্বভিধাস্যতি ।
ভক্তিং ময়ি পরাং কৃত্বা মামেবৈষ্যত্যসংশয়ঃ ॥

ন চ তস্মান্মনুষ্যেষু কশ্চিন্মে প্রিয়কৃত্তমঃ ।
ভবিতা ন চ মে তস্মাদ অন্যঃ প্রিয়তোরো ভুবি ॥

অধ্যেস্যতে চ য় ইমং ধর্ম্যং সংবাদম আবয়োঃ ।
জ্ঞানয়জ্ঞেন তেনাহম ইষ্টঃ স্যাম্ ইতি মে মতিঃ ॥

শ্রদ্ধাবাননসূয়শ্চ শৃণুয়াদ অপি য়ো নরঃ ।
সোপি মুক্তঃ শুভান্ লোকান্ প্রাপ্নুয়াত্ পুণ্যকর্মণাম্ ॥

কচ্চিদ এতচ্ছ্রুতং পার্থ ত্বয়ৈকাগ্রেণ চেতসা ।
কচ্চিদ অজ্ঞানসম্মোহঃ প্রণষ্টস্তে ধনঞ্জয় ॥

অর্জুন উবাচ ।
নষ্টো মোহঃ স্মৃতির্ লবধা ত্বত্প্রসাদন্ময়াঽচ্যুত ।
স্থিতোঽস্মি গতসন্দেহঃ করিষ্যে বচনং তব ॥

সঞ্জয় উবাচ ।
ইত্যহং বাসুদেবস্য পার্থস্য চ মহাত্মনঃ ।
সংবাদম ইমম আশ্চর্য্যং রোমহর্ষণম অশৃণবম্ ॥

ব্যাসপ্রসাদাচ্ছ্রুতবান্ এতদ্ গুহ্যম অহং পরম্ ।
যোগং যোগেশ্বরাৎ কৃষ্ণাৎ সাক্ষাৎ কথয়তঃ স্বয়ম্ ॥

রাজন্ সংস্মৃত্য সংস্মৃত্য সংবাদম ইমম অদ্ভুতম্ ।
কেশবার্জুনয়োঃ পুণ্যং হৃষ্যামি চ মুহুর্মুহুঃ ॥

তচ্চ সংস্মৃত্য সংস্মৃত্য রূপম অত্যদ্ভুতং হরেঃ ।
বিস্ময়ো মে মহান্ রাজন্ হৃষ্যামি চ পুনঃ পুনঃ ॥

যত্র যোগেশ্বরঃ কৃষ্ণো যত্র পার্থো ধনুর্ধরঃ ।
তত্র শ্রীর্ বিজয়ো ভূতির্ ধ্রুবা নীতির্ মতির্ মম ॥

এইভাবে শ্রীমদ্ভগবদ্গীতা উপনিষদের ব্রহ্মবিদ্যা এবং যোগশাস্ত্রের অন্তর্গত শ্রীকৃষ্ণ ও অর্জুনের সংবাদে 'মোক্ষসন্ন্যাস' নামক অষ্টাদশ অধ্যায় সমাপ্ত হলো।